Dangui Oduber (MEP): MEP creciendo den communidad!

En conexion cu celebracion di dia di nos Libertador Betico Croes, Partido MEP a tene un actividad diamars anochi den e bario di Savaneta.

 

“E tabata un dia grandi pa nos partido MEP y e pueblo a acudi masalmente na e actividad aki.

MEP no ta solamente un partido politico sino nos ta un Moviemento di hende, di pueblo, di esnan cu kier mira pueblo den Gobierno. Esaki ta e comienso di e movimiento cu lo trece cambio”, asina e hoben politico cu den su prome salida na aña 2013 a logra no menos di 1749 voto, e di 4 votgetter riba e lista color geel.

 

Tambe e anochi aki e hala hubenil di MEP cu ta carga e nomber di HOT a instala su directiva nobo, cu e locutor Lionel Dirks como Presidente. Un hoben dinamico cu hopi energia positivo. “Por bisa cu MEP ta creciendo den comunidad y cu sosten di e pueblo nos lo trece e cambio cu nos kier mira”, di acuerdo cu Dangui Oduber, cu riba su mes ta maneha e movemento D-Team cu ta su votadonan, simpatisadonan y siguidonan.

 

“D-Team tabat’ey presente cu tur e hobennan cu ta miembro di e team. Nos lo duna hopi atencion na nos hobennan”, asina Dangui Oduber a enfatisa.

Top