Dangui Oduber ta insisti Paul Croes mester bay; No por otro!

E caso di Paul Croes a trece dilanti un elemento hopi importante pa nos pueblo. Aparentemente tin diferencia den trato hudicial y laboral entre un ciudadano y un Minister. Dangui Oduber por compronde cu sr. Paul Croes no kier tuma su retiro. Esey lo duna mas duda den su inocencia y lo por ta un señal cu e ta admiti su culpabilidad.

 

Bisando esey ta importante p’e compronde cu husticia y pais Aruba merece un trato husto y fair!

Si tabata un cuidadano e lo ta den voorarrest, kedando como Minister “ausente” e presion riba husticia ta keda enorme pa no castiga of hasta tapa evidencia, segun Dangui Oduber di MEP.

 

Cobrando salario (cu placa di belasting) durante su ausencia ta inaceptabel. Dangui Oduber kier suplica Paul Croes un biaha mas p’e tuma su retiro boluntariamente y laga husticia haci nan trabou trankilamente y tambe pa no cobra salario ni overbruggingstoelage durante e periodo aki.

 

“Nos tur sa cu na Aruba en caso cu ta sali dilanti cu bo ta inocente, niun di bo coleganan ni opositornan lo tin problema pa bo asumi bo posicion bek.

E mancha grandi cu e situacion aki a crea pa Aruba y bo persona ta algo cu abo so ta responsabel p’e!

Tuma e liderasgo den e caso aki p’asina pais Aruba por bay bek na ordo di dia.

E caso historico aki, prome biaha den historia na Aruba cu autoridad local y Hulandes ta haci un inval asina grandi riba un Minister, a paraliza un Gobierno manca caba y pone full un pueblo su cara na berguensa.

 

Como ciudadano afecta y disgusta p’e situacion y no como politico, mi ta bisa bo pensa riba pueblo di Aruba y pone nan na prome lugar”, segun Dangui Oduber di MEP.

 

 

 

Top