Danki Aruba!

Cruz Cora Aruba kier gradici un y tur cu den e ultimo tres simannan a organiza eventonan pa colecta producto of simplemente a yega mesora cu donacion pa yuda Cruz Cora yuda St. Maarten.

Cu ayudo di henter comunidad di Aruba, service clubs, organizacion-, instancia-, skol, wholesalers, hotels, supermercado-, restaurant y otro companianan, Cruz Cora Aruba por a manda te cu awor lo siguiente:

14 di september: 2000 kilo na lona, pampers, awa, cots, cuminda: 15 di september: 5 pallet di awa y 3 pick-up pa por mobilisa y yuda cu distribucion na St. Maarten: 18 di september: 101 caha di 10 kilo di cuminda: 28 di september:       1 container cu 20 pallet di awa; 1 container cu 10 pallet di awa, 2 pallet di voedselpakket; pallet di Pampers pa adulto, 2 pallet di Pampers pa Baby, 2 pallet di comestibles mixed, 1 pallet di aroz, pallet di Ensure, 50 bulto di papel di wc; 1 container cu 12 pallet di voedselpakket (40 pa pallet); 1 pallet di awa, 1 pallet di aroz, 1 pallet di keeshi di boter, 1 pallet di kits di productonan hygienico; 2 pallet di babyfood, 1 pallet di paketenan pa baby; 1 pallet di Pampers, 75 stroller, 2 carseat, 11 bulto di forki, cuchiu y cuchara di plastic; 11 caha di maandverband, 3 bulto di papel di wc, 30 caha di tayo di foam.

 

Cruz Cora Aruba mes lo ricibi e cargamentonan aki na St. Maarten y lo percura pa distribucion. E weekend aki tin otro grupo di 12 boluntario cu lo ta biahando pa St. Maarten y lo sigui cu e trabou di Team 4.

Cruz Cora Aruba kier anuncia di e forma aki cu ta ricibi donacion di producto te cu: Diaranzon dia 4 di october. Despues di e fecha aki, por sigui haci un donacion riba e cuentanan di banco di emergencia special pa yuda cu tur trabou y material na St. Maarten: Aruba Bank # 038.401.0390: Caribbean Mercantile Bank # 641.733.07.

 

Na mes momento, kier gradici tur boluntario di Cruz Cora Aruba, Jeugd Rode Kruis, Grupo Scout Jan Lobrecht y Grupo Scout Casibari cu a traha dia y anochinan largo pa tur e simanan aki pa mantene nan portanan habri te anochi laat, ricibi donacion den warehouse, sorteer, paketa y load den container.

Tambe companianan cu a yuda haci tur esaki posibel: GP Cargo, Bohama, Bon Bini Cargo, King Ocean y Don Andres.

 

ARUBA…MASHA MASHA DANKI!

Leave a Reply

Top