Debate di “Millennials” na Cas di Cultura a haya bon reaccion di publico

Diahuebs ultimo, e debate di “Millennials” a tuma lugar na Cas di Cultura cu participacion di nuebe lider di partidonan politico. E ausencia di AVP a resalta durante e evento, kendenan a opta pa cancela nan participacion.

 

E sala tabata yen yen di esnan siguiendo e debate, sin menciona esnan cu a sigui via television.

E debate tabatin un duracion di tres ora y mey y a wordo bon ricibi p’e forma profesional y creativo cu e grupo encarga a organis’e.

 

E lidernan participante a haya oportunidad pa expresa nan opinion y ideanan tocante diferente topico e. o. enseñansa, siguridad, medio ambiente, etc.

Un di e seccionnan cu a wordo bon ricibi tabata e preguntanan di “Si” of “No”, cual un di e preguntanan haci tabata si e partidonan ta sostene matrimonio di mesun sexo.

Specificamente POR, ReD, UPP y RAIZ a contesta “Si”, y MEP, MAS, ABO y CURPA a contesta “No”, claramente mustrando e division regardando e topico aki.

 

E anochi a clausura cu basta reaccion positivo y critica constructivo pa con e evento a wordo organisa.

Top