Debi cu e investigacion no ta completamente cla, e caso di atraco cu morto na Wayaca a keda posponi

E caso di atraco y asesinato na cas di un Chinees na Wayaca, cu a tuma lugar dia 13 di september aña pasa, mester a keda trata den Corte di Prome Instancia, pero tabata Fiscal mes cu a pidi Huez pa pospone esaki, debi na falta di mas investigacion.

 

Manera por corda, aki un Boneriano, a resulta e persona cu a drenta e cas den oranan di merdia, pa horta, y a hay’e ta los tiro, cu e consecuencia cu e señora Chinees a fayece, lagando un persona mas herida.

E Boneriano a logra huy cu un auto, cu despues a ser haya pa Polisnan na Cadushi Largo.

For di investigacion haci, a haya sa cu e sobrino di e dama Chinees asesina, t’e autor intellectual, loke a shock hopi hende.

 

Tabata Fiscal cu a pidi pa pospone e caso, pasobra ainda falta algun investigacion pa haci.

Tambe mester haci investigacion di psychiater riba e Boneriano (un di e sospechosonan). Y como tal abogado Chris Lejuez tambe a pidi pa psicologo evalua e Chines tambe (e otro sospechoso). E caso awor lo tuma lugar dia 30 di juni proximo.

 

Leave a Reply

Top