Delegacion di ahedrez lo participa den Festival Centro Americana y del Caribe na Panama

Dianan 10 – 15 augustus lo tuma lugar na ciudad di Panama, e Festival Centro Americano y del Caribe den e deporte di ahedrez.

Aruba tambe lo ta presente cu un seleccion di hoben den e deporte aki. Nos muchanan lo competi den diferente categoria di U8 te cu U16.

E hobencita Sylvi Cabral di apenas 6 aña di edad lo haci su debut internacional pa Aruba unda e lo competi den e categoria U8.

Tambe nos lo tin den e categoria U-12 Femenino, e hungador Lesley Cielo kende a conoce un tremendo aña 2017 den e deporte di ahedrez logrando varios bon conkista mescos tambe ta conta pa Thamara Sagastegui.

Den e categoria U14, Aruba ta conta cu e hungador Ilya Stetsenkocu tambe a conoce un bon aña 2017 hunto cu Ayden Dirksz, Ethan Croeze y Kyell-Jean Antonio.

 

Den e categoria U-16, Aruba lo ta fuertemente representa cu Brian Diaz, kende tin varios experiencia den e competencianan internacional, hunto cu Diaz lo compti tambe Eldrick Donata kende a haci su comeback den e deporte despues di tabata algun tempo ausente.

Mester bisa cu e atletanan Sylvi Cabral, Leslie Cielo, Ilya Stetsenko y Brian Diaz a haya subsidio p’e torneo aki. Cu e delegacion a biaha coach/entrendador Raymundo Dijkhoff, mientras lider di delegacion lo ta Octavio Croes.

 

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e atletanan Sylvi Cabral, Leslie Cielo, Ilya Stetsenko y Brian Diaz p’e Festival Centro Americano y del Caribe den e deporte di ahedrez.

Leave a Reply

Top