Delegacion di Colegio Arubano a sali pa Hulanda pa participa n’e final di Wiskunde A-lympiade

Un team di 4 alumno di VWO 6 di Colegio Arubano a sali rumbo p’e ciudad Garderen na Hulanda pa competi na final di “Wiskunde A-lympiade” pa cu aña escolar 2016-2017.

E alumnonan cu ta forma e equipo cu ta participando ta Raveena Dharmdasani, Hitesh Dialani, Ryan Illes y Roderick Tapia y docente sr. Ricky Quant.

 

Un tremendo team ya cu dos alumno tin un 10 pa Wiskunde-D y probablemente tambe pa Wiskunde-B.

Aña pasa Colegio Arubano a sali na di tres lugar den e competencia aki cu ta un tremendo resultado pa Colegio Arubano. E deseo tey p’e aña aki por logra bay cu e prome premio.

Na november ultimo a tene e competencia preliminar entre e teamnan di klas VWO 5 y VWO 6 di Colegio Arubano. E tarea ta bin for di Hulanda den oranan tempran di mainta.

 

Simultaneamente cu esnan den exterior cu ta participa den e competencia preliminar, ta traha henter dia riba e tarea cu mester resulta den un relato.

Pa hasi e tarea por a usa buki y computer. E docente ta huzga e relatonan, p’asina haña e team ganador.

E mihor 10 teamnan di Hulanda ta sigui p’e final.

N’e competencia final ta reserva tambe lugar pa 3 team di Dinamarca, dos team di Alemania, un team di Sint Maarten y e team di Aruba.

E teamnan ta biaha pa Hulanda na maart p’e competencia final. E tarea tin e mesun formato cu esun di e competencia preliminar, pero ta mas amplio y tin mas dificultad.

 

E teamnan ta haña 14 ora pa prepara nan relato y tin cu defende esaki cu un presentacion oral pa e panel di hurado.

Na nomber di e team di Wiskunde A-lympiade ta manda un palabranan di gratitud na tur docente cu a contribui pa asina e equipo por bay Hulanda p’asina forma parti n’e competencia aki.

Mayoria fondo ta wordo cubri dor di sponsoring e.o. donacion di “lerarenkorps”.

Un danki tambe na Raad van Toezicht cu semper a cubri e demas gastonan.

E team lo bay bishita diferente Universidad e.o. Utrecht, Mathematisch Instituut serca prof. dr. F. Beukers.

Universidad TU Delft unda cu e graduado di VWO di Colegio Arubano, Laura Croes, kende ta den un honors Math Group lo duna e team un recorido na TU Delft.

Leave a Reply

Top