Delegadonan p’e Weganan di Reino a topa otro dialuna ultimo na Corsou

WILLEMESTAD – Dialuna anochi na Holiday Beach Corsou, delegadonan di paisnan ruman den Reino Hulandes a topa cu otro pa un encuentro deportivo cu lo bay tuma lugar e siman aki na hermana isla Corsou.

E intercambio deportivo aki a wordo crea specialmente pa hobennan, pero for di Ministerionan di Husticia di cada pais.

 

Dos aña pasa, Minister mr. drs. Arthur L. Dowers, a cuminsa cu e proyecto aki na Aruba, cu a hiba e nomber, “Futuro ta den bo man”. Un proyecto cu ta hiba e linea di pensamento netamente di, cu un deportista mas, ta un criminal menos y como tal Ministerionan di Husticia den Reino ta participa den e bunita proyecto aki.

 

E disciplinanan deportivo cu e hobennan lo competi den e cuadra aki lo ta, futbol, baseball y tambe basketball.

E paisnan cu ta participando ta Aruba, Corsou, Bonaire, Hulanda y normalmente Sint Maarten tambe, cu e biaha aki lamentabelmente lo no por competi cu nan hobennan, despues di e desaster natural cu e pais a pasa aden.

 

Durante e prome anochi di introduccion na Holiday Beach, Minister di Husticia Arthur Dowers (Aruba) a topa cu su colega Minister di Husticia di Corsow, mr. Quincy Girigorie como tambe representantenan di Ministerio di Husticia Hulandes y tambe cu miembro di Cas Real, Prins Pieter-Christiaan van Oranje-Nassau, Van Vollenhoven.

 

Leave a Reply

Top