Demasiado morto den trafico: Boet pa no bisti faha seguridad ta bira 300 florin

WILLEMSTAD – Den 2017 a registrá 14 morto den trafico. Entre nan dos peaton y 3 motociclista.

Di e 9 automobilistanan cu a muri, 8 no tabatin faha di seguridad bistí. Esey ta pa Fiscal di Trafico (verkeersofficier) di Ministerio Públiko (OM) di Còrsou motibo di hopi preocupacion.

 

Durante control den trafico di Polis ta resultá cu demasiado hende no ta bisti nan faha di seguridad.

Ademas ta incomprendibel con mayornan no ta mara faha di seguridad di nan yiunan of transportá nan den un stoel special pa mucha.

 

OM ta di opinion cu comunidad tambe tin un responsabilidad y tin cu mustra e mayornan riba esaki. Polis tambe ta bay haci esaki dor di duna extra atencion na mayornan cu no ta usa nan sentí.

Pa Ministerio Públiko duna un extra señal, y pa pèrcurá cu comportacion den trafico pa uso di faha di seguridad ta bay cambia, OM dicidi pa aumenta boet pa no bisti faha di seguridad.

E boet ey ta bira 300 florin.

Leave a Reply

Top