Den caso contra muncipio Rijswijk – Curasoleño no a haya razon den su demanda

WILLEMSTAD – Siman pasá diabièrnè un tribunal na Den Haag a rechasá e demanda cu un Curasoleño (Martina) a entamá contra municipio Rijswijk, pasobra el a sufri un accidente pisá ora el a core pasa den un buraco hunto cu tabatin mei-mei di e rielnan di un tram.

E lugar tabata den reconstruccion, no tabatin masha iluminacion; un mucha homber macamba tabata core su tras cu algun amigo, y e tabata fuma.

 

E caso a sosodé dia 19 di jüli 2015 den oranan di madrugá grandi y ora ambulance a hiba e homber hospital nan a midi cu e alcohòl den su sanger tabata 2,2 promille Ethanol.

Esey nifica cu na momento di e accidente e tabata mal fuma.

2.2 Promille Ethanil ta 4x e limite cu un participante na trafico por tin den su curpa.

E personal baratio cu a yega ne sitio a topa e victima, kende no por a papia, pero tabata move su brasanan.

E tabatin un herida di 10 centimeter na su frenta y e herida tabata asina hundo cu por a mira su cerebro.

E tabata drumi mei-mei di e riel y Polis a constatá cu el a kore yega duro, dal den riel y a sali manera un piedra di chincha bay cay riba su cabez.

El a pasa un luna den cuido intensivo pa cura e lesionnan na su cara y cabez despues di cual a mandé un centro di revalidacion.

 

Un testigo a bisa cu pobablemente un mucha macamba cu un shirt blanco tabata persigui e Curasoleño despues di un pleito den un café na Rijkswijkseweg.

E hoben cu tabata persiguié a core bay ora el a mira e accidente y Polis no por a hañé.

Despues cu Martina a sali for di hospital el a demandá municipio di Rijswijk pa un tuma di € 488.876,53 plus gasto di Corte, pasobra su abogado a haña cu municipio a faya di pone bòrchi bon visibel.

 

Martina a basa su demanda riba e gastonan di dokter y hospital, pasobra e no tabata sigurá na Hulanda. El a conta gasto di biahe di su mayornan tempo e tabata revalidando.

E abogado di municipio a pidi pa rechasá e demanda, pasobra nan no sa ki tratamento el a haña despues cu el a sali for di hospital.

Desde cu el a retorná su pais natal e ta na cama, el a baha masha di peso y ta hala rosea dificil.

 

Corte no por a determiná kico a causa e accidente, pasobra esnan cu a core su tras no tey.

Municipio mester a tene cuenta cu ciclista lo cruza e rielnan di tram, pero nan no tabatin cu tene cuenta cu un comportacion iresponsabel manera den e caso aki cu e homber tabata fuma.

E loke Huez a tuma mashá na malo ta cu e homber tabata burachi y tabata huyendo, pero esey no ta responsabilidad di municipio.

 

Huez a yega ne conclucion cu e mester rechasá e demanda di mas di mei mion euro y e mester paga e gastonan di abogado di municipio a razon di  € 10.353.

Leave a Reply

Top