Den caso di asesinato na Jaburibari: Fiscal a laga 4 sospechoso den libertad y 4 otro a keda den detencion

Ministerio Publico a kibra silencio y a dicidi di duna un update den e caso di Jaburibari, unda un hoben di Vietnam, nacionalisa Canadiense a keda asesina.

T’asina cu ayera Fiscal di Ministerio Publico a dicidi di a laga 4 sospechoso bay den libertad.

E motibo ta cu e investigacion a mustra cu nan detencion no ta requiri mas.

Tur 4 ta ciudadanonan Canades.

 

Esey kier men cu 4 sospechoso ta keda den detencion. Nan lo wordo hiba dilanti Huez Comisario diahuebs awor. E acusacion ta asesinato.

Segun informacion suministra Ministerio Publico ta den contacto cu autoridadnan Canades. E investigacion ta sigui. Te aki e up-date di e caso di Jaburibari

 

Debi cu na Aruba mes, nos no por haya mucho informacion a pone nos di AWEMainta bay surf riba internet, buscando medionan di Canada, kendenan si ta bon na altura di loke a tuma lugar.

Asina nos a haya e identificacion di e persona cu a ser tira mata cu un tiro den su cabez.

Ta trata di e hoben Thuy Hoang Nguyen Quach, mientras su comprometida a cuminsa un proceso pa genera fondo pa por traslada e curpa bek pa Canada.

 

No ta conoci pa nos, si Ministerio Publico a duna e curpa di e victima liber caba,p’e ser manda Canada. E persona cu a tira Thuy Hoang Nguyen Quach mata, tambe ta ser busca pa husticia Canades pa varios caso di asesinato tambe.

 

 

Top