Den entrevista radial: Soberano a cometé traicion formando Blòki di 12

WILLEMSTAD – Manera makambanan ta bisa: “Ben Whiteman terug van weg geweest” y a lòs un bòm den e audiencia di Radio Direct ayera mainta ora cu den un entrevista el a bisa pòtlot cu ora e scucha e grabacionnan di e partido den cual el a militá, pasobra e tabata idolatrá e filosofía di Helmien Wiels, esnan cu a keda cu e partido a cometé traicion contra e memoria di e fundador di e partido y contra su memoria.

No ta conoci con Mac Cijntje mester a sinti su mes ne momento ey ora el a tende Whiteman condená e cu su compañeronan di partido siendo e persona cu a proclama for di 4 skina cu acaso e t’e unico Soberano veridico cu a keda después di Helmien Wiels cu dos autentico Soberano, pero cu awor a apoyá e iniciativa pa kibra Gobierno di Gabinete Koeiman y forma cu gruponan  cu ta na mando aworaki manera Amparo dos Santos y Gerrit Schotte y partidonan cu hamas Wiels lo a traha cu nan. Te pa pensa cu Soberano por a join un grupo asina.

 

“Si bo no ta sostene Gobierno ta saca stekker, pero pa saca stekker y join e grupo ta acto di traicion contra Helmien Wiels”, asina Whiteman a observá.

El a sigi splica e oyentenan di Radio Direct cu tur hende ta còrda cu despues di 2012 el a splica pa traha cu otronan y no esnan tradicional y por a mira consecuencia di esaki.

Otro motibo dicon el a informá esnan cu ta den Partido Soberano dicon e no ta disponibel pa bay riba lista ta cu nan a mete su nomber den un asunto cu no ta material di consumo publico y cu tin di haber cu su seguridad.

 

Ta p’esey a yega tempo pa tur hende habri nan boca papia y e ta sostené nan, pasobra e ta kere den e mandato y filosofia di loke tabata boga pe y splica nan cu loke Soberano ta haciendo ta un acto di traicion y ta p’esey e no ta figura riba nan lista.

Ben Whiteman tabata realmente riba ruta di plama Soberano fo’i otro ayera mainta y a mencioná “man en paard” den su relato, cu kende e tabatin contacto y kico el a papia cu nan y pasobra e ta kere den filosofia di Helmien Wiels e ta dispuesto pa yuda nan.

E otro motibo dicon e no ta riba lista, pasobra nan a laga sa cu e ta riba biahe di trabou den exterior.

 

Realidad ta cu dos dia prome cu entrega di lista Jaime Cordoba a bin serca dje sin cu e no tabatin contacto cune for di aña pasá.

Eynan Jaime Cordoba a puntre si e kier subi lista, pero a splike tres motibo dicon no.

Primeramente pasobra su trankilidat ta importante ademas di algun detaye cu tin di haber cu su seguridad.

Ta p’esey a molestiá su persona cu nan a bisa cu e ta na Hulanda y mesora masha hende a yamé siendo cu esey no tabata e caso.

Whiteman a splica cu te ainda tin un situacion caminda e mester di proteccion sigur p’e situacion di Huang Dong caminda el a crea condicionnan cu no tin espacio pa corupcion.

Asina el a splica supuesto lidernan di Soberano algun cos, pero no cu intencion pa nan bay plama esaki y ta na unda e ta.

 

Otro punto cu el a splica nan ta cu e no ta reconocé e maneho y filosofia di Helmin Wiels den loke ta pasando den e partido y a splica nan cu e ta bayendo afo y no sa si e ta di retorno promé of despues di eleccion.

Soberano a crea e impresion cu ta netamente, pasobra tin intencion el a bay afo loke no ta bèrdad.

Whiteman a bisa ademas cu ser Minister pa Soberano ta algo suavemente bisá teribel y cu Minister Bitorino kende el a busca p’e partido tabata kier a bandoná e funcion despues di un siman caba, pero ta Whiteman a convence pa wanta.

 

Otro ehèmpel caminda el a para duro ta caminda e mester a kita un empleado corupto na LVV y partido a pone bèk dia el a bay, pero el a mustra cu bou di su mandato e corupto no por bin bek.

Top