Den futbol mix Escolar organisa pa IBiSA: Colegio Laura Wernet-Paskel ta titula campeon

E campeonato di futbol mix 1ste y 2de klas entre e scolnan di Enseñansa Basico a finalisa diabierna atardi dia 3 di maart, despues di algun wega sumamente interesante cu a tuma luga den Centro Deportivo Frans Figaroa na Noord.

 

Pa tur cuater scol, nan wega tabata hopi importante mirando nan deseo pa logra e titulo di campeon. E hobennan tabata hunga cu alma y curpa, demonstrando nan intencion serio den cada hugada.

 

Colegio Laura Wernet Paskel a bira ganador den e wega pa e campeonato entre Colegio San Hose y Colegio Laura Wernet Paskel. Niun di dos scol kier a entrega y a bataya cada punto ta conta y e wega a caba na favor cu un pinalti di Colegio Laura Wernet Paskel.

E keepernan di ambos scol a defende nan scol cu tecnica y perseverancia. E wega a caba cu e score di 2-2.
Rib’e otro veld e hobennan di Scol Basico Washington a sobresali y a logra gana di St. Anna School cu e score di 1-0.

 

E resultado oficial di e Campeonato di futbol mix 1ste y 2de klas pa scolnan di Enseñansa Basico ta como lo siguiente: na prome luga, campeon y ta ricibi nan medaya y e Copa ta Colegio Laura Wernet Paskel. Na di dos luga ta finalisa Colegio San Hose, na di tres luga Scol Basico Washington y na di cuater luga St. Anna School.

 

IBiSA ta felicita tur scol cu a participa na e campeonato, specialmente esnan cu a clasifica pa final. Na mes momento IBiSA ta gradici maestro, mayor, referee, coach y tur esnan cu di un manera of otro a contribui pa haci e Campeonato Escolar di futbol mix 1ste y 2de klas un exito completo. Pa un reportahe di potret por bay riba Facebook di IBiSA.

Top