Den menos di 24 ora, otro asesinato Jowy Wise ta keda asesina den Caya Corsou cu 3 tiro

KRALENDIJK – Ayera marduga den careda di algo despues di 2or Polis ta keda dirigi cu urgencia pa un caso di tiroteo cu lo mester a tuma lugar den Caya Corsou cant’i Malecon.

Di acuerdo cu Aimed Ayubi, di Live 99 FM, e informe cu a drenta na Warda ta indica cu nan lo mester a los bala riba un homber y cu e ta gravemente herida benta abou na suela.

Ambulance tambe a presenta n’e sitio pa transporta e victima cu urgencia pa hospital.

 

Na yegada mesora a bay over pa trata na para e cantidad di sanger cu e victima tabata perdiendo a consecuencia di su heridanan di bala cu el a ricibi.

Despues di un rato e informe ta drenta cu e victima yama Jorditan Theodora alias Jowy Wise di Tera Cora, naci dia 7 di februari 1993 kende tabatin 24 aña di edad a fayece a consecuencia di e heridanan di bala cu el a sufri.

 

Recherche for di e momento cu e suseso a bira conoci ta trahando duro riba e caso. Ta scuchando diferente testigo y tambe tin cameranan instala den becindario caminda e incidente a tuma lugar, anto esaki lo por yuda autoridad tambe pa soluciona e caso.

Diferente persona den becindario a haci mencion di un auto preto cu lo mester a hala kita for di e sitio despues di e tiroteo.

 

Jowy Wise a keda liquida cu 3 tiro di cual bala a alcance na altura di su cabes y cara.

Ta investigando kico lo por t’e problema cu a conduci n’e caso di tiroteo cu morto aki.

E investigacion ta den ful swing.

Forsa n’e famianan di e difunto den e momentonan dificil aki.

Otro morto violento na Bonaire den apenas 24 ora. (Foto cortesia Live99FM)

Top