Den un otro caso di abuso di menor di edad, Fiscal a pidi 3 aña di prison

Diabierna ultimo e homber, M.G.R. a wordo acusa di violacion y/of di a tene relacion sexual cu un persona bao 16 aña di edad y/of di pocesion di porno infantil y/of di menaza den e periodo di juni te october 2014.

Pero M.G.R. a para riba su e no a viola e mucha muher, pero si el a sa di manda potret di e mucha muher via e-mail pa diferente persona y tambe tin prueba cu el a menasa e menor di edad si e papia algo y si e nenga di sali cune.

 

Fiscal di Ministerio Publico a considera e caso aki uno hopi serio, apesar cu un psycologo a bisa cu e homber M.G.R. su cabez no ta bon y como tal e no ta responsabel pa su actonan.

Fiscal a exigi 3 aña y mei di prison, di cual 6 luna lo ta condicional y un periodo di prueba di 5 aña.

P’e manda kende tabat den Corte, Ministerio Publico lo percur’e pe haya 25 mil florin for di e acusado, p’e daño causa.

 

Dia 31 di maart awor, pa 8.25 Huez lo duna su veredicto.

Top