Departamento di Salud Publico (DVG) ta sigui cu Encuesta di Salud (GOA)

Departamento di Salud Publico (DVG) ta continua cu e encuesta nacional di salud. Na 2016 a conduci e encuesta aki for di 12 november te cu 16 di december y pa motibo cu no a logra yega na tur e adresnan selecta, a keda falta algun encuesta p’asina por cumpli cu e meta final di e encuesta aki.

P’esey DVG a dicidi di sigui bishita adresnan pa haya informacion relaciona cu e Encuesta di Salud.

Esaki lo sosode for di awe diasabra dia 28 di januari te cu 15 di februari 2017. Adresnan den 6 districto/area of zona lo por ricibi bishita di un encuestado.

Nan lo tin un T-shirt y badge cu nan potret, number y emblema di GOA riba dje firma dor di Director di DVG.

DVG ta spera di por sigui ricibi cooperacion di comunidad pa cu e Encuesta di Salud.

Top