Departamento di Salud Publico ta informa tur hende cu ta bay biaha tuma bo vacuna contra Keintura Geel

“Gele Koorts”, “Yellow fever”, “Fiebre amarilla” of na Papiamento Keintura Geel ta keda un problema pa salud publico den e regionnan tropical di Africa y Latino America.

Keintura Geel ta un enfermedad viral hemoragico transmiti dor di e sangura Aedes SPP.

 

E sintomanan mas comun ta keintura, dolor di cabes, color geel di cuero y wowo, dolor di spier, mareo y sacamento y den algun caso e por ta hasta fatal.

 

Actualmente tin diferente pais den Latino America cu casonan sospechoso y confirma di Keintura Geel. E paisnan aki ta e. o. Bolivia, Brazil, Colombia, Ecuador, Peru y Surnam.

 

Vacuna ta e manera mas efectivo pa preveni Keintura Geel. Pa e motibo aki Departamento di Salud Publico ta conseha tur persona cu ta planea di biaha pa un di e paisnan aki dentro di 3 luna pa pasa tuma nan vacuna contra Keintura Geel.

Bo curpa ta cuminsa produci anticurpa despues di 10 dia cu bo a tuma e vacuna. Duracion di e vacuna contra Keintura Geel ta pa bida largo.

 

E vacuna ta disponibel na DBZ (Dienst Besmettelijke ziekte) y ta costa Afl. 31,=.

Orario pa vacuna na DBZ ta di 7:45am – 11:45am y 1:15pm – 3:15pm.

Pa mas informacion por yama DBZ na tel: 5224-221/239/241.

Leave a Reply

Top