Departamento di Salud Publico ta informa: Vacuna cu ta proteha contra keintura geel ta obtenibel atrobe

Departamento di Salud Publico (DVG) ta informa na comunidad cu e lote di vacuna cu ta proteha contra malesa KEINTURA GEEL (“GELE KOORTS”) a yega Aruba y ta obtenibel na Seccion di Malesanan Contagioso di Departamento di Salud Publico pa solamente 31,- florin. Orarionan cu por pasa pa laga aplica e vacuna ta di dialuna pa diabierna di mainta 7:45-11:45 y atardi di 1:15-3:30.

Ta hopi importante pa personanan cu ta bayendo cu vakantie informa si nan destinacion ta exigi e vacuna aki.
Pa mas informacion por tuma contacto cu Departamento di Salud Publico na 5224200.

Leave a Reply

Top