Desaster aereo evita na Aeropuerto na St. Maarten

PHILIPSBURG – Un black-out riba henter e isla a sorprende tur hende diahuebs anochi. Incluso un avion di American Airlines cu n’e momento ey tabata aterizando na Princess Juliana International Airport.

Inicialmente e reportahe ta indica cu e avion tabata pa baha na dicho Aeropuerto, ora cu coriente a bay, incluso e luznan di e pista di aterizahe, causa p’e black-out.

 

Pa suerte, e generator di Aeropuerto a start den algun seconde y asina e luznan di e pista por a sende.

E pilotonan di American, a haci un birada di 360-grado pa despues baha e avion save riba e pista di aterizahe.

Masha profesional den aviacion a subi social media pa comenta loke a sosode diahuebs anochi y a cuestiona seriamente e constante black-out di parti di NV GEBE, ya cu no ta prome biaha esaki ta tuma lugar.

 

Prome biaha t’e hecho cu esaki, e baymento di coriente ta sosode net ora cu un avion di American Airlines ta hacienda su approach, pa baha, y coriente ta bay.

Top