Despues cu Prome Minister Mike Eman mes a trece cambio den AruParking su entrada, Arubus a mira cu no por haya mas placa pa yuda e compania di transporte publico

Gobierno lo tin cu sigui subsidia Arubus, mirando cu Gobierno mes ta stroba pa haya placa pa yuda reduci e subsidio aki di 6 miyon florin pa aña, mientras cu segun presupuesto salarial di Arubus, e ta 9 miyon florin.

Ex Minister Otmar Oduber, dia cu a introduci AruParking, a duna di conoce cu un di  e metanan p’e placa recauda lo ta pa yuda Arubus y logico ta bay na reduci e peso financiero di Arubus, den reduci e subsidio.

 

Pero despues cu Otmar Oduber a bandona Gobierno, tabata e propio Prome Minister Mike Eman a bin cu varios cambio, unda e.o. a trece cambio den e tarifa cu mester ser paga, a duna cierto ora pornada, etc., y tur esaki a conduci na perdida p’e propio AruParking.

Kier men no a keda nada adicional pa yuda Arubus.

 

Y manera e situacion ta, AruParking lo no bai produci entrada adicional, te pa nan yuda Arubus, cu lo usa e placa aki e.o. na cumpra bus nobo.

Anto pueblo tin cu sigui colabora pa Gobierno sigui subsidia e compania nacional aki di transporte, cu no ta permiti pa aumenta su tarifa tampoco.

 

 

 

Top