Despues cu yiu ta fayece durante parto, Shakira Arrindell tambe ta fayece mas despues na Hospital

 

Riba diadomingo di Pasco Grandi, famia Arrindell ta haya e tristo noticia cu Shakira Arrindell di 40 aña di edad a fayece despues di duna luz na un yiu muhe cu tampoco a sobrebibi.

 

Shakira tabata casa cu dos yiu homber y tabata manager na Starbucks, pues e noticia aki tambe tabata duro pa esnan cu a traha cu ne. Shakira, a haya complicacion durante parto y e baby a fayece. Den Medium Care, el a wordo informa di e fayecimento, cual claramente tabata demasiado duro p’e. Y den oranan di anochi, Shakira tambe a fayece na Hospital mes.

 

Un investigacion a cuminsa pa determina e morto di e yiu y su mama. Shakira tambe tabata reina di Carnaval na Hulanda. E ta laga atras su casa y dos yiu homber.

Nos di AWEMainta ta manda palabranan di profundo condolencia na famia Arrindell.

Top