Despues di 7 aña recoriendo Aruba cu Accion di Bario Prome Minister Mike Eman ta keda motiva p’e contacto honesto y directo cu pueblo Dunando oido na nan necesidadnan y elogiando nan aportenan civico

Na final di Accion di Bario di e siman aki, Prome Minister Eman a expresa di ta hopi contento cu el a wordo compaña pa hopi ciudadano di e area di Moko.

Despues di 7 aña di realisa e actividad aki regularmente, Premier Eman ta keda balora e interaccion cu e bishita ta proporciona.

 

“Ciudanonan un biaha mas ta duna nos animo pa sigui cu e trabou y keda duna atencion na cada persona cu tin un necesidad y asina haci un diferencia den e calidad di bida.”

E contacto personal ta permiti e lider di Gobierno pa scucha e necesidad y deseonan di e ciudadanonan, pero tambe conoce y aprecia loke nan mes ta haci p’e bario.

Awor combina cu e programa di Luz den Bario, caminda ta instala puntonan nobo di luz caminda tin mas mester, ta duna un dimension adicional n’e esfuersonan pa eleva e nivel di bida di Arubianonan den tur skina di e isla.

 

Nos ta termina e recorido dor di Moko, despues di a bishita hopi cas, yegando na un establecimento importante.

‘Mi Dudu’ ta propiedad di Chomon y Debby Arends cu a percura pa crea den e bario di Moko un lugar hopi special,” asina Minister President Eman a expresa cu ambos sinta banda di dje.

El a duna palabra di reconocemento y elogio p’e esfuerso pa crea algo asina nobo den nan bario.

 

“E ta un lugar cu ora bo bishit’e y sigur esnan di afo, ta keda impresiona p’e aire fresco y p’e paisahenan cu bo ta wak.”

Loke ta haci e bishita na Moko extra special, tabata e alegria di habitantenan cu awenochi ta wak e prome lusnan den nan caya y dilanti di nan cas.

Pa Prome Minister Eman tambe ta un satisfaccion, pero uno cu ta combina cu dolor pa perdida di sra. Coleta Arends dos luna pasa.

Sra. Coleta tabata un di esnan cu a pidi y insisti pa pone lus den e becindario.

 

Premier Eman: “Pesey nos ta pone tambe n’e punta di su cas; den su felis memoria. Un bunita hende cu a bay laga nos mucho trempan, pero awenochi nos tin’e den nos curason y den spirito pa recorda semper su bondad, cu el a lanta su yiunan asina bon cu un dedicacion pa sirbi e bario y sirbi Aruba.”

 

Top