Despues ku nan a paga pa daño – Seguro New India ke kobra outomobilista tur sèn bèk

WILLEMSTAD – Dia 27 di november wes lo reanudá tratamentu dje kaso kaminda nan a paga un outomobilista e claim ku ela entrega pasobra ela aksidentá pero seguro a bin haña sa ku e tabata fuma i awor nan ke nan sèn bèk.

E aksidente a sosodé na altura di Franklin Rooseveltweg krusada ku Seru Fortunaweg.

Den e aksidente aki tabata envolvi shofùr di un Merkadeo Benz Kleemann AMG ku ta outo masha eksklusivo i un Suzuki Vitara. E Suzuki Vitara a sufri daño i un pasahero den e outo a sufri leshon.

 

Direktamente despues dje aksidente shofùr dje Benz a duna su vershon dje kaso na Forensys.

E Benz tabata sigurá na New India pero e kontrat ta bisa ku si e tabata bou di influensia di alkohòl e no por risibi e suma kompleto dje daño.

Ademas e mester kontestá preguntanan dje kompania i di Forensys korektamente sino e ta fayando ku e kontrat.

 

Despues dje aksidente New India a paga shofùr dje Suzuki Vitara un suma di NAf 14.973,43 i un vorskòt di 5000 florin.

Dos aña despues dia 13 di aprel 2015 New India mester a paga doño dje Mercedes un suma di NAf 93.445,87.

Ariba di esaki bin interes riba un suma di 22.000 florin for di  21 di aprel 2013 te dia a kaba di kubri tur e daño material.

 

Un dje shofùrnan envolvi a hasi un deklarashon na ofisina di abogado ta kon e aksidente a bai.

A base di esaki New India ta eksigi pa trata e kaso aki simultaneamente ku e kaso dje Mercedes Benz pasobra nan ke nan NAf 31.577,11 bèk ku nan a paga na shofùr di e Suzuki Vitara komo voorskot.

Esaki pasobra e no a konta ku e tabata bou di influensia dia dje aksidente.

 

Ademas ela kore masha duru, pasa varios outo i por lo tantu e gastunan ta pa su kuenta.

Unda New India a sali ku e shofùr tabata bou di influensia no ta konosí i wes a pidi e partidonan pa bin korte dia 27 di november pa aklará un ke otro.

Tur loke nan ta bisa ta ripitishon di Loke Forensys a konstatá i wes a haña ku New India no a kumpli ku su deber.

Ta un empleado di New India a bisa e shofùr ku ela kore muchu duru i ku e tabata fout pero e no tabatin derechi di bisa esaki

 

Wes a rechasá e hecho ku e shofùr a kore peligrosamente  i a pasa varios i pasobra un hende den e Suzuki a grita ku e ke sali for di e outo.

E mihó kos ta pa laga New India bin proba ku e shofùr dje Suzuki tabata fuma dia dje aksidente i ku e ta responsabel pa e daño.

New India mester bin ku su testigunan.

 

 

 

 

Leave a Reply

Top