Detencion di un sospechoso

WILLEMSTAD – Polis a detené un hòmber sospechoso pa menasa y intento pa pega cas di su mayornan na candela.

Tabata diamars ultimo, alrededor di 09.15 or, Central di Polis a dirigí un unidad di Barber na un cas den Caya Lima, pa un caso di menasa y intento pa sende e cas na candela.

For di un investigacion cu e agentenan a realisá n’e sitio, a resultá cu e sospechoso E.R.I. di 27 aña de edad, naci na Còrsou, despues di un discucion cu su mayornan, el a menasá nan y a intentá pa pega e cas na candela.

Alrededor di 09.25 or, Polis a detené e sospechoso E.R.I. pa menasa y pegamento di candela.

E sospechoso a keda presentá dilanti di un Fiscal auxiliar kende a ordená su encarcelamento pa mas investigacion.

Top