Detencion pa ladronisia

WILLEMSTAD – Dialuna ultimo, alrededor di 16.35 or Central di Polis a haña notificacion di un caso di ladronisia cu a tuma lugar na un supermercado na De Savaan.

For di un investigacion cu Polis a haci n’e sitio a resultá cu un hòmber a purba sali cu un tas cu algun artículo aden sin cu el a paga p’esakinan.

Un bewaker atento a nota esaki y a impedí e hòmber di sali cu e artículonan. N’e sitio Polis a detené e hòmber S.J. naci na Còrsou di 46 aña di edad, como sospechoso di e ladronisia ariba menshoná.

Tambe Polis a confiscá e saco cu artículonan pa mas investigacion.

A presentá e sospechoso dilanti un Fiscal auxiliar kende a ordená su encarcelamento pendiente mas investigacion.

Top