Detencion pa posesion ilegal di arma di candela y droga

WILLEMSTAD – Diasabra, 15 di juli 2017, alrededor di 19:20pm un patruya di e team di mantencion di orden publico Otrobanda a controla un homber cu tabata actua sospechoso den e area di Charo.

 

Na momento cu tabata bay haci e control aki, e sospechoso a trata di core bay. N’e momento ey Polis a frustra su huida y a haci un control rigoroso riba posesion di droga y arma.

Durante di e control aki Polis a haya y confisca:

Un arma di candela (pistol); municion (13 bala skerpi); shete (7) sacu cu marihuana; ocho (8) sacu cu hash.

 

En conexion cu esaki a detene e sospechoso aki, R.A.L.C., naci na Corsou, 21 aña di edad.

A presenta e sospechoso dilanti di un Fiscal Auxiliar cu a ordena su encarcelacion pa mas investigacion.

Leave a Reply

Top