Detencion relaciona cu asesinato

WILLEMSTAD – Dialuna, 17 di juli 2017, den oranan trempan di mainta Personal di Team di Recherche encarga cu homicidio, conhuntamente cu Team di Atraco y Team di Aresto a haci detencion di tres homber sospechoso.

 

Detencion ta relaciona cu un caso caminda a localisa un curpa sin bida den area di Klein Hofje, (comunicado di prensa 124/2017), caminda despues di un investigacion dor di NFI na Hulanda, a determina cu ta trata aki di e homber Hussein El Naijar, naci na Libanon, cu tabata perdi.

 

Na Frederickstraat, Polis a detene e homber R.J.R.V., naci na Venezuela di 25 aña di edad.

Na un cas na Seru Fortuna a detene e homber S.H.A., naci na Corsou di 23 aña di edad.

Na De Savaan, Polis a detene e homber L.A.A.G., naci na Venezuela di 26 aña di edad.

Tur tres sospechoso ta deteni relaciona cu asesinato.

A presenta tur tres sospechoso dilanti un Fiscal Auxiliar cu a ordena nan encarcelacion pendiente di mas investigacion.

 

Tambe Polis a haci entrada hudicial den un cas na De Savaan y un cas na Fuik.

Durante di e investigacion, Polis a detene tres homber y dos dama di nacionalidad Venezolano cu no por a presenta e documentonan necesario pa por permanece na Corsou.

A hiba tur cinco persona na Departamento di Imigracion Rio Canario pendiente pa nan deportacion. Investigacion den e caso di asesinato ta continua.

Leave a Reply

Top