Detencion y arma di candela confiscá

WILLEMSTAD – Manera a keda anunciá siman pasa cu Polis ta intensificá su control pa combatí criminalidad en general y posicion di arma di candela ilegal en particular, tur dia tabatin controlnan dirigí na diferente sitio na Còrsou.

Den kuadro di esaki, diabièrnè ultimo, alrededor di 19.30 or, Polis a tene control den un vehículo cu dos ocupante aden na un establecimento na altura di e cruzada Winston Churchillweg-Cubaweg.

Durante di control den e auto Polis a haña y confiscá un revòlver. En conexion cu esaki Polis a detené e dos hòmbernan: B.D.M. di 26 aña di edad y L.J.E.R.F.O. di 33 aña di edad.

 

Ambos naci na Còrsou, como sospechoso pa violacion di Ley di Arma di Candela.

Tambe Polis a confiscá e vehículo cu e sospechosonan tabata aden pa mas investigacion.

A presentá e sospechosonan dilanti di un Fiscal auxiliar kende a ordená nan encarcelamento pendiente di mas investigacion.

 

 

Top