Di acuerdo cu e publicacion di Argus, CITGO no por rehabilita e refineria, no tin placa

Ayera den publicacion di Argus for di Jamaica a sali publica un articulo masha interesante, cu ta bisa cu e refineria di Aruba (lesa CITGO) lo sufri un retraso di 8 luna. Esaki nifica cu na juli awor lo por cuminsa traha riba su rehabilitacion, pero cu e reapertura lo ta te na 2020 enbes di 2018.

Esaki, segun Arugus, nan a haya for di un fuente di Banco Central di Aruba mes. E refineria lo drei 2/3 parti di su capacidad na 2020, y na 2021 e lo por drei riba full capacidad, e banco a duna di conoce.

 

Valero a bende e refineria cu tabata perde placa cu e compania di Gobierno, RDA, p’asina pone un paro n’e desmantelacion cu tabata cla pa cuminza.

Na june 2016 RDA a lease e refineria pa 15 aña cu CITGO, cu ta un compania subsidiario di PDVSA di Venezuela.

E upgrading a cuminsa laat den 2016, pero no por a cumpli cu e plannan, debi na falta di placa, segun un ehecutivo di Gobierno a declara na Argus.

Den un reunion entre Banco Central, RDA, CITGO a ser bisa e plan pa rehabilita e refineria lo no por keda cla manera desea.

 

E $700mn pa rehabilita e refineria lo wordo haci p’e consorio France’s Technip y cu contratistanan Venezolano, e.o. Tecnoconsult y Y&V Group, asina Gobierno di Aruba a anuncia na principio di e aña aki.

Pero awor parce cu no por cuminza cu e proyecto, tanten cu e finanza ta na ordo y asina tin mas punto cu mester di claridad.

E.o. mester sa ainda kico e gastonan lo ta si e refineria aki lo wordo opera a base di gas for di Venezuela, pa cual a ser bisa cu CITGO lo construi un pipa di gas for di Venezuela pa Aruba.

 

Un vocero di Ministerio di Energia Venezolano a declara na Argus, cu e deal cu Aruba ta na duda, pasobra CITGO no por haya fondo pa paga p’e proyecto na Aruba.Y CITGO no tin capital propio, cu tabata motibo cu aña pasa PDVSA a pledge 100pc di CITGO su bondholdernan, cu ta wordo controla p’e compania di Russia, Rosneft den un controversial credit transaction designa pa scapa e compania Venezolano.

 

E opinion na Aruba ta, cu e inversionnan haci den e refineria, lo contribui na crecemento economico di e isla, manera un funcionario di Banco Central a duna di conoce.

Pero tumando na consideracion cu CITGO no tin fondo pa inverti, y e posibilidad di un retrazo den rehabilita e refineria, e lo afecta e economia di Aruba, loke cu IMF tambe ta premira.

 

Un noticia sigur no alentador pa Aruba en general. Y esaki ta ser sospecha for di prome ora caba, mirando con CITGO a bin ta atende henter e proyecto di refineria na Aruba.

 

Top