Di acuerdo cu PG di Aruba, mr. Alexander van Dam Rule of Law tin su efecto pa nos Estado di Derecho

Den Rule of Law tin algun efecto pa Estado di Derecho. Como prome efecto, PG mr. Alexander van Dam a menciona e garantia cu e monopolia di violencia den su ehecucion ta serca Polis y forzanan arma.

Otro efecto ta cu ciudadanonan tin derecho riba seguridad. E derecho ey kier men cu Estado tin e derecho pa kita libertad di ciudadanonan criminal temporalmente.

 

E reglanan cu ta forma parti di esey, ta dicidi e nivel di implementacion di Rule of Law.

E di tres efecto ta cu Estado ta mara na derecho; e Estado no por traha na un manera arbitrario cu ley y reglanan.

E di cuatro efecto ta cu derecho mester ta reconocible y stabil suficiente pa ciudadanonan actua.

E di cinco efecto ta cu Rule of Law ta contene e elemento cu ley ta imparcial y mester ta acesible p’esnan cu ta bin den contacto cu husticia.

E di seis efecto ta cu tin libertadnan y derecho di e ser humano cu mester wordo proteha pa Estado.

E ultimo efecto ta cu ciudadanonan mester confia riba existencia di instancianan hudicial.

 

Manera ta wak, Rule of Law ta encera algun principio, di cual e PG di Aruba ta haya e principio cu Estado mes ta mara na ley y no ta actua arbitrario esun di mas importante. Ta na Estado pa duna e bon ehempel na su ciudadanonan.

Hueznan ta trata casonan di tur hurisdiccion.

Den esey ta trata di derecho publico cu ta duna reglanan pa cu e relacion entre Gobierno y ciudadano, y di derecho civil cu ta duna reglanan tocante e relacion entre ciudadanonan. Rule of Law ta bal pa tur area hudicial den cual tin Estado y Hueznan.

 

E Poder Hudicial ta consisti di Huez y Fiscalnan di Husticia. Nan tin un responsabilidad particular unda ta trata garantiza derechonan di ciudadanonan.

“Sra. Presidente, prome cu bo a bira RAIO (Rechterlijk Ambtenaar in Opleiding), bo tabata traha den abogacia.

Bo a wak un otro banda y bo a traha na e interes di e hendenan cu ta bin den contacto cu Husticia. Rule of Law no ta un tereno desconoci pa bo.

Abo, señora Presidente, tin e tarea pisa pa proteha ciudadanonan contra arbitrariedad di banda di Estado. Si ta trata di ley penal of ley civil. Bo ta e defensa di mas halto p’e derechonan di ciudadanonan.

 

E responsabilidad especial ey no ta conta solemente pa Poder Hudicial sinembargo. E ta conta pa Gobierno riba tur nivel. Ciudadanonan mester por confia cu Gobierno ta trata nan igual segun ley y reglanan.

For di mi speech ta sali cu ciudadanonan mester por confia riba un Gobierno cu no ta haci distincion y dor di esey ta predicible.

Ciudadonan mester por confia riba e imparcialidad di Hueznan y Ministerio Publico. Si cumpli cu e condicionnan ey, ta traha di un estado di derecho, tocante Rule of Law”, segun PG di Aruba mr. van Dam.

Damas y cabayeros, señora Presidente, mi colega PG Schram y ami ta comparti e vision aki di e sistema hudicial. Bo por conta riba nos den cumpli cu bo mision: Rule of Law”

Top