Di acuerdp cu Partido MEP: Otmar a perde tur credibilidad

Ora bo ta parti di e problema bo no por ta parti di e solucion

 

Na aña 2014, ley di edad di pensioen a pasa den Parlamento na unda e ex Minister di AVP, Otmar Oduber kende tabata den Gobierno e tempo ey, tambe a hisa e edad di pensioen na 65 aña. Awo cu nos ta den porta di eleccion, Otmar Oduber kier hunga mesun politica di manipula pueblo cu mentira hungando un biaha mas cu sentimento di nos grandinan.

 

Nos ta corda ainda, un dia scur pa nos pueblo henter na aña 2014, ora cu partido AVP a bin den Parlamento cu e ley di aumento di edad di pensioen pa 65 aña, sr. Oduber a para defende e ley aki cu tur su forsa.

 

Otmar Oduber sin ningun duda a bisa cu tur hende por traha masha bon te cu 65 aña. E no a mustra ningun clase di comprension pa esnan di 60 aña bay ariba cu ta lucha pa keda na trabou y cu no ta wanta te cu 65 aña p’asina baha cu pensioen.

Segun Otmar e tempo ey tur hende cu ta bou di 65 aña ta fit suficiente pa sali busca un trabou y mester stop di pidi pa bay cu pensioen y keda warda pa 5 aña extra.

 

Ta un falta di respet cu awo cu Otmar Oduber ta den campaña electoral, e kier hunga cu sintimento di pueblo cu manipulacion y mentira. Awo si diripente Otmar Oduber ta comprende cu un hende bibando den nos pais no por traha te cu 65 aña.

 

Otmar Oduber mester a corta esaki for di aña 2014 y no permiti p’e ley aki wordo pasa mes. Sinembargo e la cambia e ley y e ta esun cu a causa e problema pa nos pensionadonan.

Otmar Oduber ta esun cu a crea e probleman, por lo tanto e no por ta parti di e solucion.

Top