Di dos morto den trafico

Awe diasabra madruga pa mas o menos 4:20 yamada ta drenta na Central di Polis cu na altura di cas Savaneta 314 un auto bayendo direcion pariba a bolter y pega candela.

Na yegada di e patruye di Polis ta bin topa cu e auto Yaris A – 62967 color blauw cla y cu tabata na candela. A pidi pa brandweer di biaha y ambulance.

E pasahero a logra sali fo’i di e auto. pero e chauffeur si no a logra sali.

 

Pa 5:30 dr. Texier ta constata morto di Jonathan Joel Dirksz, naci na Aruba 13 -2-93 (24 aña) .

Departamento di Trafico, Polis Tecnico y Slachtofferhulp a presenta n’e sitio di e susedido . Departamento di Trafico tin e caso bao investigacion. E pasahero ta for di peliger.

Cuerpo Policial ta manda palabra di condolencia pa famia di e fayecido.

Top