Dia 11 di april 2017 OPA lo celebra Dia Mundial di Parkinson na Centro di Bario Noord

Dia 11 di april ta Dia Mundial di Parkinson. Organisacion Parkinson Aruba (OPA) lo celebra e Dia di Parkinson riba diadomingo 9 di april na Centro di Bario Noord.

E encuentro lo cuminsa 10’or di mainta y lo dura te mas o menos 1’or di merdia. Lo tin un lunch sabroso y Eddy Leest lo entretene e invitadonan cu su bunita musica.

Ademas informacion interesante pa e pashentnan y nan famia lo wordo duna e. o. dor di e fisioterapista sr. Frank Velasquez.

 

Tur pashent cu nan famia ta invita. E entrada pa e pashent ta GRATIS. Extra personanan lo wordo cobra e suma di Afl. 30,00 pa cubri e gastonan.

Tur pashent cu ta afilia na OPA caba lo ricibi un invitacion personal. E pashentnan cu no ta afilia na OPA of cu no a ricibi un invitacion ta bon bini tambe. Famia of conocinan di un pashent cu malesa di Parkinson ta naturalmente bon bini.

 

Pa esun cu no a ricibi un invitacion personal of cu kier mas informacion tocante Organisacion Parkinson Aruba (OPA) por fabor tuma contacto cu sra. Grace Beaujon (tel. 5822017), sra. Trina Barthes (tel. 587 3067), sra. Edna Maduro (tel. 7463146) of sra. Aura Kolman (tel. 5858824).

 

OPA tambe ta invita personanan cu ta interesa pa bira boluntario y/of miembro di directiva di nan organisacion. Manera tur organisacion den bes en cuando mester sanger nobo.

Tur personanan interesa por tuma contacto cu OPA via un di e personanan ariba menciona.

Top