Dia 23 pa 27 di october awor, FADA ta recorda tur hende di nan Siman di Cinta Cora Y nan Siman di Locura

Durante un reciente conferencia di prensa, Rulienne Arends, kende ta un trahadora social di FADA a duna splicacion di nan celebracion di Siman di Cinta Cora, cu e biaha aki ta dia 23 pa 27 di october awor.

E ta un siman di conscientisacion pa pone stop na uso di droga y uso di alcohol. Un siman largo, FADA ta recomenda tur hende pa bisti e cinta cora aki, cu porcierto ta un tradicion copia for di Mexico.

 

E siman ey, lo celebra tambe Siman di Locura, na cual actividad grandi y chiquito ta participa. FADA ta conta cu participacion di skol, comercio y tur demas instancia, unda cu e accion aki, ta expresa nan mes contra di abuso di droga y alcohol.

Dia 27, ta dia di e yabi, unda lo aplica e lema: “Your future is key, so stay drug free”.

FADA ta recomenda tur hende participa nan actividad, saca potret of video y manda esakinan pa FADA, cu lo pone esakinan riba nan facebook.

 

Pa tur hende lo tin un sorpresa, y premio. Durante e siman aki, FADA lo tin na benta nan t-shirt of mug, p’asina demostra cu nos tur ta anti-uso di droga y alcohol, segun Rulienne Arends.

 

 

Leave a Reply

Top