Diabierna anochi, otro caso di atraco na Jaburibari pa bay cu 750 florin

Diabierna anochi pa 9:45 un yamada ta drenta na Centrale Post di Polis cu un atraco a caba di tuma lugar na un cas na Jaburibari.

Patruye Policial ta yega n’e cas y ta haya un señora cu ta conta cu 3 hende homber cu un arma di candela a drenta den su kamber y atrake.

N’e cas e señora tabata cu su 4 yiunan chikito. Un di e atracadornan a bisa e señora pa dune placa, sino nan ta bay cu e baby. E señora a dune e placa y asina nan a dune e baby bek .

E atracadornan no tabatin cara tapa y nan a papia Spaño. Nan a bay cu Afl 750,- .

Nan lo mester a bula e cura y a huy na pia.

Team di Atraco a presenta pa haci investigacion y Yudanza pa Victima (Slachtofferhulp) tambe a presenta, debi cu e señora a keda hopi spanta. Ken cu por a wak of sa algo yama e tiplijn di Polis 11141.

Leave a Reply

Top