Diabierna Corte di Prome Instancia lo trata Dama Chinees, kende a mata Director di Serlimar

Un caso cu hopi hende tabata spera, t’e caso unda un señora Chinees a asesina e Director di Serlimar, Richard Fingal den salon pa duna masashi na Piedra Plat.
Te awe ningun hende sa kico a pasa exactamente, maske cu e abogado di e señora a laga sa cu e tabata den defensa propio, pero ningun hende no kier kere esaki.

Mas ainda, ora cu e propio sospechoso a bay busca cu victima na Four Season Bar & Restaurant pa bay cune na su salon di masashi. M.T. ta bisa di no por papia Papiamento, y como tal lo mester bin cu un traductor den Corte diabierna.

Tur cos ta mustra cu M.T. intencionalmente y cu forza, hinca su victima varios biaha cu un of mas cuchio na su curazon y pulmonnan, nek y garganta, y dor di dal’e cu forza cu un martiu na su frenta. A consecuencia di esaki e persona a fayece.
Loke a hala nos atencion cu despues di e asesinato aki, cu a tuma lugar dia 11 di juli 2016, pa diabierna awor e ta ser acusa tambe di a menaza un persona cu un crimen den e periodo di 6 pa 10 di februari 2017(?).

Top