Dialuna awor, ta start e campaña pa yena e formulario di declaracion di Inkomstenbelasting 2016

Departamento di Impuesto ta informa su clientenan cu dialuna awor e campaña pa yena e formulario di declaracion di Inkomstenbelasting 2016 ta start. E clientenan cu tin dificultad pa yena e formulario por acudi libremente na MFA Noord of YMCA San Nicolas y no tin mester di haci un cita.

 

Kendenan por participa?

  1. Tur persona soltero cu tin un entrada bruto di no mas cu Afl. 75.000,-;
  2. Tur persona casa cu – hunto – tin entrada bruto di no mas cu Afl. 150.000,-.

No por brinda ayudo na esnan cu tin un empresa propio of cu ta traha riba nan mes.

 

Na unda lo duna ayudo?

Fecha 11 – 15 di september 2017 na MFA Noord di 8:00am – 12:00pm

Fecha 25 – 29 di september 2017 na YMCA San Nicolas di 1:15pm – 4:00pm

No ta duna ayudo riba diasabra. No ta duna ayudo den e siman di 18 di september.

 

Trece documento

Departamento di Impuesto ta pidi su clientenan pa trece e formulario di declaracion di aña 2016 hunto cu tur comprobante necesario relaciona cu entrada y gasto, tanto na Aruba como den exterior. Alabes ta importante pa duna e datonan personal di e pareha casa y e yiunan.

Despues cu caba di yena e declaracion e cliente por entrega esaki mesora. E lo ricibi un comprobante tambe di e entregamento. E clientenan cu nan mes a yena e declaracion por pasa entrega esaki na MFA Noord of YMCA San Nicolas durante e dianan di campaña.

Entrante 2 di oktober 2017 por entrega e declaracion na oficina principal na Camacuri.

Top