Diaranson 1 di maart 2017 Catoliconan por acudi na parokianan pa ricibi cruz di shinishi

Cuaresma ta cuminsa cu diaranson di Shinishi. Den diferente parokia riba nos isla, Catoliconan por acudi pa ricibi e cruz di shinishi.

Siguientemente e orario di parokianan y institutonan cu ta parti shinishi diaranson awo.

Tanki Leendert 6:30pm; Dakota 8:00am y 7:00pm; Noord 6:00am y 6:30pm; Santa Cruz 6:00am y 7:00pm; Paradera 7:00pm; Savaneta 5:00am y 7:00pm; Huize Maristella 10:00am; San Nicolas 5:00am y 7:00pm; Brasil 5:00am y 7:00pm; Oranjestad 6:30am, 8:00am, 9:00am, 10:00am y 7:00pm; Sint Michael Paviljoen 10:00am.

Hoben y adulto ta keda cordialmente invita pa inicia e temporada di Cuaresma cu e tradicion di tuma e cruz di shinishi den un parokia.

 

Den temporada di Cuaresma ta tuma luga tambe “caminda di cruz” den tur parokia riba diabierna atardi, na Ser’i Noka na Santa Cruz y na Alto Vista diasabra mainta 6’or.

Durante añanan diferente religioso y laiconan a duna un contribucion na e devocion di caminda di cruz. Asina nos conoce vaios buki di reflexion riba caminda di cruz.

Nos conoce e. o. “Caminda di cruz pa mucha”, “Caminda di cruz di Papa Benedicto”, “Caminda di cruz di Padernan Salesiano”, Caminda di cruz Pro Bida”, “Un caminda di cruz pa nos tur”.

Varios di e bukinan aki lastimamente no ta existi mas. Pero a logra compila nan den un forma digital y esnan interesa por tuma contacto cu sra. Nilda Koolman via tel. 5648664 pa un version digital di un buki di caminda di cruz.

Top