Diasabra merdia, Joyeria Little Europe a bira victima di atraco

Diasabra ultimo pa mas o menos 13:20 Central di Polis ta haya yamada cu un atraco a tuma na joyeria Little Europe.

A manda patruya policial di biaha n’e sitio di e susedido. Na yegada a pidi pa Atraco Team y tambe pa Yudanza pa Victima.

 

T’asina cu 3 hende homber a drenta e joyeria. Un di nan tabatin un arma di candela. Nan tur 3 color di cuero bruin, e prome ta tin short bisti y t-shirt shinishi.

Di dos ta tin jogging pants y t-shirt y poco gordo y di tres ta color di cuero bruin, postura normal y t-shirt color preto. Nan no ta tin cara tapa y nan a papia Spaño.

 

Nan lo a tyrap un di e empleadonan. E doño di e lugar, e antisocialnan a dale den cabez cu un obheto duro, pero e no por a wak kico e ta exacto. Total nan tabata 4 persona (doño y 3  empleado) den e joyeria.

E atracadornan a bay cu hopi joyas y te awor no tin e balor exacto. Nan a huy den un pick up Nissan doble cabina shinishi cu den oranan di mainta lo a wordo joyride.

 

Patruye Policial di Sta Cruz a bin topa cu e pick-up un rato despues na altura di veld di Aruba Juniors. E auto a wordo tuma den beslag.

Diferente unidad di Polis ta buscando e tres atradornan. Ken cu por a wak of sa algo yama tiplijn di Polis cu ta 11141.

Leave a Reply

Top