Diferente entrada hudicial buscando prueba di soborno

WILLEMSTAD – E dia di ayera a cuminsa cu actividadnan cayente ora noticia a plama cu efectivonan policial y di VKC a tene entrada hudicial na cas di e lider politico di MFK, Gerrit Schotte, kende poco despues riba un tono yorona a exclamá cu ta pe tipo di cosnan aki Corsou mester bira independiente.

Pero no ta cas di Schotte só tabata den mira di agentenan di husticia sino cas di Charles Cooper tambe y di e comerciante Gilbert Ricardo.

 

Autoridadnan a bishita cas di Charles Cooper, Gerrit Schotte y Gilbert Ricardo buscando documento cu lo por ta balioso pa investigacion den un caso di soborno. Na final di mainta no a detené ningun hende.

Remarcabel tabata presente di dos politico cu tabata y un te ainda ta Polis, kendenan tabata manifestá nan mes den forma negativo riba e forma konk e entrada hudicial ta tumando lugar.

Un di nan ta ruman di e Presidente di Parlamento Thodé y e otro tabata Cheyenne Gonzalez, kende tabata reclamá cu uso di agentenan di VKC ta indicacion cu hefenan policial no tin confianza den miembronan di Cuerpo Policial.

No tin confianza mas den nos Cuerpo Policial pasobra nos tin hopi bon Polis y mi tin 30 aña den Cuerpo Policial, pero nunca a mira VKC ta actua.

El a reclamá cu nan ta bezig ta schuif miembronan di Cuerpo un banda lagando Polisnan mes afó di e accionnan aki. (Ta Landsrecherche a tene entradanan hudicial).

 

E informe oficial di Ministerio Publico ta papia di entrada hudicial di Landsrecherche Curaçao a iniciá ayera mainta cu algun entrada hudicial na Còrsou.

Ta trata di entrada hudicial bou di liderazgo di un Huez-Comisario, miéntras cu na cada adrès tin un Fiscal di Ministerio Público (OM).

Entre otro ta tene un entrada hudicial na cas di un miembro di Parlamento. Landsrecherche Curaçao ta hañando yudanza ayera mainta di otro instancianan investigativo.

 

Landsrecherche ta un instancia di investigacion cu un tarea special. Nan ta dirigí nan mes entre otro riba comportacion di integridad cu ta tacha gobernacion público.

Landsrecherche ta actua solamente riba instruccion di Procurador-General (PG).

E investigacion ta n’e momentunan aki andando. Ministerio Público (OM) ta bay duna mas informacion den transcurso di mainta.

 

Procurador-General a duna instruccion na Landsrecherche Corsou na luna di febrüari 2017 pa iniciá e investigacion penal relacioná cu un denuncia di miembro di Parlamento Yael Plet relacioná cu posibel caso di soborno.

Banda di e denuncia a risibí tambe vários otro resultado di investigacion. A scucha por ehèmpel vários testigo den e caso aki.

E investigacion a bin resultá e.o. den e sospecho cu a soborná un otro miembro di Parlamento. Mientrastanto dos persona a keda identificá como sospechoso.

 

 

Mirando e punto di e investigacion te cu aworakí tabata necesario pa tene e entradanan hudicial ayera. Lo por bay tin mas entrada hudicial y/òf detencion den transcurso di e investigacion.

Landsrecherche ta un instancia di investigacion cu un tarea special.

Nan ta dirigí nan mes e.o. riba comportacion di integridad cu ta tacha gobernacion público.

Landsrecherche ta actua solamente riba instruccion di Procurador-General (PG).

E investigashon ta bay tuma mas tempo.

Top