Director Abath a ricibi bishita di Adjudant nobo di Gobernador

Recientemente, Director di Departamento di Relacionnan Exterior, sr. Edwin Abath a ricibi bishita di e Adjudant nobo di S.E. Gobernador di Aruba.

E Adjudant nobo, sr. B.F. (Bart) Breitenstein MSc. a ser acompaña pa sr. R. (Reinier) van der Zande, kende a ocupa e funcion di Adjudant di Gobernador durante e ultimo 3 aña.

Meta di e bishita tabata pa cera conoci cu e Director y personal di Departamento di Relacionnan Exterior y alaves despedi di sr. van der Zande.

 

Departamento di Relacionnan Exterior y Gabinete di Gobernador ta mantene un relacion estrecho y bishitanan asina ta re-enforsa e continuacion di e lasonan entre e dos instancianan.

Sr. Abath, na nomber di staf y personal di Departamento di Relacionnan Exterior, a yama Adjudant Bart Breitenstein un cordial bon bini na Aruba den su funcion nobo y a gradici alaves sr. Reinier van der Zande pa su gentil cooperacion y gran servicio brinda na S.E. Gobernador di Aruba.

Top