Director Cuido na di Dr. Horacio E. Oduber Hospitaal, Ezzard Cilié: Hopi tempo caba a boga pa bin cu un Inspectie Volksgezondheid (IVA)

Durante e fin di siman e departamento nobo di inspeccion di salud, Inspectie Volksgezondheid Aruba (IVA), e tene su prome seminario cu e puntonan cardinal calidad y siguridad den cuido di salud. E diferente partner di e sector di cuido cu a atende e evento a haya oportunidad di comparti ideanan p’asina por duna contenido na e tareanan di IVA. Un di e partnernan aki tabata Dr. Horacio E. Oduber Hospitaal (HOH).
Ezzard Cilié, Director di Cuido na Hospital. a haya e seminario uno hopi importante y fuera di esey uno hopi interesante tambe.

“Nos tin hopi aña ta boga pa haya algo semehante y porfin e ta cuminsa haya curpa y contenido. E intencion di e dos dianan aki ta pa hunto purba – pues tur esunnan envolvi den cuido di salud conhuntamente cu e ley di Inspeccion di Salud – pa haya poco feedback di nos cu ta traha den e sector di cuido pa evalua si nos por alinea cu otro y asina duna contenido na dj’e”, e ta agrega.
E ta sigui bisa cu e ta hopi importante pa tin un organo asina cu por tira un bista, monitor e calidad di cuido cu ta nifica nivel di cuido tambe. “E ta algo necesario”, e ta amplia.
Pa loke ta trata e tema di calamidad Ezzard Cilié a splica cu tin definicion pa calamidad y e ta depende ki interpretacion ta dun’e.

“E no ta trata di e discusion awor aki so, pasobra e ta bay sigui, nos tin cu yega na un formula kico ta responsabel y hustificabel. Responsabel den e sentido di direccion na comunidad.

Bo mester por responsabilisa bo mes anto tambe na inspeccion cu ta tira bista y ta parti di su responsabilidad cu si nos ta cumpli cu ne na un forma responsabel y aceptabel”, el a conlcui.

Top