Director Interino nobo pa Fundacion Cas pa Comunidad Arubano (FCCA)

Desde awe prome di februari 2017, a keda apunta como director Tecnico y Comercial interino di FCCA señor Edwin Tromp, kende conhuntamente cu señora Maria Cristina Laclé director Financiero y Asuntonan General ta forma e Hunta di Maneho.

 

Despues cu pa casi dos luna un miembro di Hunta di Supervicion di FCCA cu aprobacion di Banco Central a eherce e puesto di Director Tecnico y Comercial interino, señor Tromp lo sigui cu esaki. Señor Edwin Tromp no ta un desconoci aki na Aruba.

Pa mas di 40 aña el a fungi den diferente funcion ehecutivo den e mundo bancario.

Tambe señor Tromp ta miembro di Directiva di varios instancia aki na Aruba y Corsou.

 

Presidente di Hunta di Supervicion di FCCA señor Haime Croes a presenta señor Tromp awe mainta na e empleadonan y a splica e motibo y motivacion cu a tuma señor Edwin Tromp pa mientrastanto eherce e encargo.

 

Durante e periodo cual lo tuma pa logra haya un director fiho, señor Tromp lo ta na FCCA. Empleadonan di Fundacion Cas pa Comunidad Arubano FCCA a cera conoci personalmente cu señor Tromp y a desee tur clase di exito den e funcion.

Top