Dominican Wings y Fly Always lo bula pasaheronan local

WILLEMSTAD – Situacion ta hopi confuse, pasobra practicamente no tin informacion ta sali for di InselAir cu te ainda t’e compania cu ta responsabel pa comunicacion entre Corsou cu resto di Caribe y cierto destinonan ne continente Sur Americano.

 

Ayera Gobierno a tene conferencia di prensa cu a laga hendenan mas confuso ainda y tur loke nan por recordá ta cu Minister di Transporte a bisa cu mientras e avionnan no ta save, su departamento no ta laga nan bula.

Cu avion save ta referi ne avionnan MD80 pasobra e Fokkernan 50 y 70 sí ta bulando.

 

Pa mantené e comunicacion cu Miami, InselAir a contratá e compania Dominican Wings cu tin bon reputacion y principalmente tin sede na un pais cu ta categoria I, mientras cu pasaheronan pa Guyana a haci areglo cu Fly Always.

For di InselAir mes no a sali ningun comunicado y manera cu publico en general tampoco tin informacion concreto.

 

Pa completá obra, e compania di aviacion Arubano, Aruba Airlines tin su problemanan financiero danki n’e mal pago di Venezuela cu debe nan masha mion dolar, siendo cu e debe ta mas cu 100 mion dolar.

Ta tur compania cu ta bula pa Venezuela tin problema pa haña nan placa cu excepcion di companianan Venezolano.

Top