Doñonan di Avianca Synergy Aerospace y InselAir a firma

WILLEMSTAD – Minister demisionario Eugene Rhuggenaath a anunciá cu InselAir a yega na un acuerdo di intencion cu doño di Avianca Holdings, Synergy Aerospace di Brasil, pa explorá e posibilidad p’e grupo di Avianca bira partner stratègico di InselAir, p’asina segurá continuidad di operacion di InselAir.

Partidonan a cumbiní pa yega na convenio temporal aki dos siman y un acuerdo final den 4 pa 6 siman.

 

Sr. Rhuggenaath a confirmá cu mirando e urgencia pa stabilisá InselAir y salbaguardiá conectividad aereo y cuponan di trabou. E dos partidonan a firma y Minister Rhuggenaath tabata testigo.

Gobièrno di Còrsou ta financiando gastonan operacional di InselAir cu e meta pa yuda stabilisá e compania, bou di condicionnan estricto.

Asina por traha riba un plan di stabilisacion siguí pa un business plan di mas aña p’e compania.

E financiamento no ta intencioná pa cubri debenan di InselAir (tampoco pa accionistanan) y a haci un apelacion na tur creditor pa wanta cu cobransa di nan debe te despues cu e compania stabilisá.

 

InselAir na su turno mester a cumpli cu tur gasto coriente. Actualmente InselAir no tin remplasante riba e rutanan aki. (No completamente corecto pasobra Divi ta bula tur dia entre e islanan).

Pa lanta otro aeroliña por tuma mínimo 6 luna y hasta te cu 5 aña pa motibo exigencianan manera licencia y tratadonan internacional.

Mientrastanto pueblo di Còrsou lo keda sin coneccion cu entre otro Aruba y St. Maarten, y hasta cierto grado cu Bonaire.

Tambe a scoge pa intervení pa garantisá seguridad di e pasaheronan local y internacional y garantisá e mas tanto cupo di trabou posibel.

Top