Dos homber ta atraca señora Chines na su cas na Warawara

Awe merdia pa 12:02pm, Central di Polis ta haya un yamada cu un atraco a tuma lugar un rato prome na un cas na Warawara.

Patruya di Polis presenta na e cas di biaha y ta bin compronde cu ta trata di dos hende homber, un color cla y un color scur, y nan ta papia Papiamento.
Un di nan tabatin un arma di candela na unda el a punta esaki rib’e señora Chines na e cas y a pidie pa placa. Nan a bay cu e cartera di e señora cu tabatin mas o menos Afl. 500,- y un iPhone. Despues nan lo mester a huy den un auto color shinishi.

Atraco Team a yega na e sitio p’asina cuminsa cu e investigacion y tuma e datonan. Tambe a pidi Slachtofferhulp pa guia e señora cu a keda cu un susto.
Ta pidi cooperacion di esnan cu por a mira algo pa yama tiplijn di Polis, esta 11141.

Top