Dos persona ilegal haya cu algun mil florin cash

Diadomingo den oranan di atardi, un caso peculiar di “hit and run” a sosode den area di Sabana Liber. Un SUV Mercedez Benz color blauw numera A-62823 a dal tras di un Kia Sportage color geel numera A-28543.

Esnan di e Mercedez Benz tabata kier regla e sitacion riba nan mes, pero e chauffeur di e Kia Sportage a insisti pa yama e departamentonan concerni. Kinan e chauffeur di e Mercedez Benz a subi den e vehiculo y bay for di e sitio, lagando dos persona di habla Spaño atras.

Polis a presenta na tempo pa atende cu e dos sospechoso, kendenan a resula di ta kedando di forma ilegal riba nos isla. Ademas, a confisca algun mil florin cash.
Ambos sospechoso ta di nacionalidad Venezolano y a keda deteni y transporta cu jeep di Polis (“Dogcatcher”) pa Warda. Polis di Trafico tin e caso bou investigacion.

Leave a Reply

Top