Dr. Nuris Lampe a keda introduci como candidato nobo di partido MAS

 

Ayera lider di partido MAS, Holmo Henriquez Jr. a anuncia un candidato nobo pa partido Movimento Arubano Soberano.

Ta trata di un persona, cu lo haci un impacto positivo pa sirbi pueblo. Ta trata aki di dr. Nuris Lampe, kende a studia na Venezuela y na Francia.

 

Dr. Nuris Lampe ta un medico specialist y awor a dicidi di bay yuda pueblo pa tin un mihor sistema medico, y asina pueblo tin un mihor cuido medico. Aruba tin hopi bon dokter y asina mes tin hopi keho y pesey mester bin un restructuracion di cuido medico.

Pesey el a tuma e decision aki, segun dr. Nuris Lampe. Cu otro palabra su afiliacion na un partido politico, ta pa awor yuda pueblo mas ainda.

 

Prome cu esey, Henriquez a duna di conoce cu nan tabatin un reunion cu Camara di Comercio, cu sigur a bay bon, pero loke por a nota, cu un partido cu no ta MAS, a sali bisa cu nan ta riba mesun liña cu Camara di Comercio. Ta trata aki di partido POR.

Siendo Camara di Comercio a confirma cu nan ta contra di e proyectonan PPP, nan ta contra tur cos cu ta aumenta costo pa haci negoshi.

 

Esey ta ensera gastonan pa opera un negoshi, manera ANSA, Parkeermeters, segun Holmo Henriquez Jr. Pesey e ta puntra, unda a sali cu POR ta bisa cu nan ta riba mesun liña cu Camara di Comercio.

Un di nan ta gañando pueblo, segun Henriquez, Camara di Comercio of Otmar Oduber. Maske cu partido MAS si ta kere loke cu Camara di Comercio a bisa nan.

 

Pesey Otmar Oduber ta hunga un wega hipocrita, pasobra e mes a firma p’e proyectonan di PPP. Ta bon pa keda vigila e persona aki y su partido.

Si partido MAS ta kere cu manera Camara di Comercio ta pensa, pa crea mas negoshi chiquito, pero e cost to doing business t’asina halto, cu ta un obstaculo grandi, pa cualkier negoshi chiquito, cu ta bira dificil p’e sobrebibi.

 

 

Top