Drs. Mervin Wyatt Ras y drs. Rene (Baba) Herde re-eligi Presidente y Vice Presidente di Parlamento respectivamente

Un di e puntonan di agenda di e ultimo reunion di Aña Parlamentario, 2016-2017 ta eleccion di Presidente y Vice Presidente di Parlamento. Asina den e reunion di ayera mainta, drs. Mervin Wyatt Ras a keda re-eligi (cu 15 voto) como Presidente di Parlamento y como Vice Presidente a keda re-eligi drs. Rene Herde (12 voto).

Aña Parlamentario 2016/2017 ta clausura ayera, unda despues di e eleccion a repasa e actividadnan di 2016-2017.

E eleccion di ayera, esta di e Presidente y Vice Presidente, lo depende di resultado di eleccion di dia 22 di september awor, si lo tin cambio despues.

 

Awe lo tin e ceremonia pa recibi Gobernador Alfonso Boekhoudt, kende lo hiba su discurso pa habri e Aña Parlamentario 2017-2018, unda e lo repasa e aña di actividadnan di Gobierno y sa mas di e vision di Gobierno.

Un discurso masha interesante, si sa cu e relacion entre Gobierno y Gobernador no ta of tabata uno facil, siendo awe e lo haya un discurso prepara pa Gobierno p’e lesa.

Top