Dunadornan di Trabao ta core registra nan empleadonan

Ultimo dianan por a tuma nota di publicacion di un full pagina di Banco di Seguro Social (SVb), unda a keda anuncia, cu SVb lo cuminsa cu un control y si haya un empresa cu no a registra su empleadonan lo por haya un boet grandi.

“No ta nos intencion pa parti boet, pero si tur dunador di trabao cumpli cu ley, registra su empleadonan, anto e ora ey no tin ningun boet.

Dicon awor cu tin menasa di boet, ta masha hopi registracion ta tumando lugar”, segun Director di SVb, ing. Edwin Jacobs.

 

Sigur siman pasa, como 1500 persona a keda registra, loke ta esun di mas hopi cu a tuma lugar na SVB.

Segun ing. Edwin Jacobs, pa ley tur trahador residencia na Aruba mester ta inscirbi na SVb pa nan ta segura contra malesa y contra accidente.

Awor cu a keda introduce maneho di boet administrative, SVb a haya mas autoridad pa enfrenta e problema aki. Keda sin cumpli, e negoshi por conta cu e lo haya un boet administrative.

 

Den principio no ta intencion di SVb pa duna un boet maximo, cu ta di Afls. 500.000, pero lo efectua sumanan mas abao, pero no ta descarta cu den futuro e sumanan e sumanan lo keda ahusta si e accion aki no ta duna e resultado desea.

Riba e prome dia cu un trahador cuminsa traha, e mester registra na SVb y no despues di su tempo di prueba (2 luna).

 

Den proximo dia, funcionarionan di SVb lo subi caya, pa determina, ta cuanto trahador ainda no ta registra, pero segun ing, Edwin Jacobs, hopi registracion a bin ta tumando lugar caba, ora bira conoci cu awor SVb tin tur autoridad pa boet un dunador di trabao, di acuerdo cu e delito cometi.

 

Top